كتبت: هبه صلاح
شهد السيد حلمي صلاح
من الدقهلية ، مركز ميت غمر
بدأت لعب وأنا عندي ١١سنه بلعب كاراتيه، كنت بدور علي موهبتي وأي اللعبة الي هبقا متميزة فيها، بدأت بالكاراتيه وبعدين وانا عندي ١٥سنة لعبت كيك بوكسينج لقيت نفسي مُحترفة فيها وأقدر أميز نفسي بيها،
الصعوبات الي واجهتني كتيرر اولا اني بلعب كاراتيه وكيك بوكسنج الكاراتيه لعبه خفيف وضربه خفيف لو ضربه عنيفه باخد انذار اما الكيك بوكسنج ضربه عنيف بالمحاولات واشتغلت علي نفسي اكتر وبمساعده مدربي وفقت مابين اللعبتين، ثانيا.. ، بجانب اني مكنتش بقدر اوفق م بين اللعبتين كل يوم لازم يبقا في تمرين وانا مكنتش بخش بطوله واحده كنت بخش بطولتين سوا بطوله كاراتيه وبطوله كيك بوكسنج وايام كان بيبقا عندي امتحان اطلع من الامتحان اسافر القاهره العب اللعبتين و غير كميه الاصابات الي كنت بتصابها في لعبة الكيك بوكسنج، باللعب المستمر وتمرين اكتر قدرت اني أكمل من غير اصابات وقدرت اني افرق مابين اللعبتين ،
نصايح ناس كانت بتدهالي… انا في اول اللعب مكنتش بلاقي تشجيع ولا نصايح بل بالعكس كانو اهلي يقولولي العبي لعبه واحده عشان تعرفي توفقي م بينهم و كانت الناس تقولي اللعب ده للولاد مش البنات، بعد م لقوني فعلا بوصل لانجازات واخش بطولات
واجيب مراكز، اهلي بدأو يشجعوني،
مثلي الاعلي الكابتن محمد السعيد السعدني
نصيحتي :، ان كل شخص يدور علي موهبته ويطور منها اكتر ومييأسش ابدا ويفضل حاطط هدف قدامه وميستسلمش غير لما يوصله.
